«Tank bıatlony-2015»: Qazaqstandyqtar alǵashqy synda Qyrǵyzstan jáne Kýveıt ekıpajdarymen básekege túsetin boldy (FOTO)

Ár elden T-72 tankisinde bir-bir ekıpajdan qatysady, dep habarlaıdy QR Qorǵanys mınıstrliginiń baspasóz qyzmeti.
«Reseı tarapymen barlyq qatysýshylarǵa usynylǵan tankter sý jańa. Bıylǵy jyly tank bıatlonynyń tas joly birshama kúrdelendi, erejeler kúsheıtildi. Biz sońǵy tekserýler men daıyndyqtardy ótkizip jatyrmyz. Ekıpajdar tolyq ázirlikte, saqadaı saı», - dedi «Alabıno» polıgonynan QR QK Qurlyq áskerleri bas qolbasshysynyń orynbasary general-maıor Ámir Halıkov.
Jarysta qazaqstandyq tankishilermen birge Qyrǵyzstan men Kýveıttiń tank ekıpajdary óner kórsetedi.
«Tank bıatlony-2015» 1 tamyzda «Alabıno» polıgonynda bastalǵanyn esterińizge sala keteıik. Osy jyly baıqaýǵa qatysýshy elderdiń rekordtyq sany asyp jyǵylady.
Eki apta ishinde Qazaqstan Qurlyq áskerleriniń tank ekıpajdaryna Reseı, Qytaı, Úndistan, Angola, Venesýela, Kýveıt, Monǵolııa, Nıkaragýa, Armenııa, Serbııa, Tájikstan jáne Qyrǵystannyń tankishilerimen saıysýǵa týra keledi.