Táńirbergen Berdiońǵarov QR IDM janyndaǵy qoǵamdyq keńeske týrızm boıynsha keńesshi bolyp taǵaıyndaldy

ASTANA. QazAqparat - Qoǵam qaıratkeri Táńirbergen Berdiońǵarov Qazaqstan Respýblıkasy Investıtsııalar jáne damý mınıstrligi janyndaǵy qoǵamdyq keńeske týrızm boıynsha keńesshi bolyp taǵaıyndaldy. Bul týraly Facebook-tegi paraqshasynda ınvestıtsııalar jáne damý mınıstri Áset Isekeshev jazdy.

«Jýyrda birneshe márte týrıstik qaýymdastyqtar jáne týroperatorlarmen týrızmdi odan ary damytý máselesin talqyladyq. Ekonomıkalyq áriptestik jáne damý uıymy (EÁDU) elderine vızasyz rejim, QHR úshin ADS-vıza rejimin engizý, shekara jáne kóshi-qon qyzmetin jaqsartý, áýejaılar men ınfraqurylymdy damytý, kadrlardy daıarlaý - kóp nárse jasaldy, kóp nárse jasalyp jatyr. Birqatar sheshimin tappaǵan máseleler bar. Alaıda perspektıvasy jaqsy. Biz basqa baǵyttar sekildi (ındýstrııalandyrý, geologııa, ınvestıtsııa jáne basqalary), ásirese, óńirler boıynsha, júıeli negizde týroperatorlarmen jumys jasaǵan sekildi, qyzmet tutynýshylarymen de jumys jasaýdy josparlap otyrmyz. Mınıstrlikte qoǵamdyq keńes quryldy, túrli baǵyttar boıynsha tanymal sarapshylardy, jýrnalısterdi, blogerleri tartyp jatyrmyz. Týrızm salasy boıynsha Táńirbergen Berdiońǵarovty qyzmetke aldyq. Ol týrızm boıynsha keńesshi retinde qoǵamdastyqpen, sarapshylar jáne týrıstik sala ókilderimen jumys isteýge bar kúshin salatyn bolady», - dep jazdy Áset Isekeshev.