Tánine tatýırovka salǵan adam óz terisin saýdaǵa shyǵardy - FOTO
ASTANA. QazAqparat - Varshava turǵyny Artýr Mrozovskı óziniń áshekeı sýreti bar denesiniń terisin eBay ǵalamtor jelisinde bássaýdaǵa qoıdy. 41 jastaǵy er azamattyń denesiniń 90 paıyzyna leopard stılinde tatýırovka salynǵan, dep jazady Day.Az.
Tórt bala tárbıelep otyrǵan Artýr óziniń terisin ǵalamtorda jan-jaqty jarnamalap jatyr.
«Eger úıińizge jóndeý jasaǵyńyz kelse, meniń usynysym týraly oılanyp kórińiz. Adamnyń terisinen jaslaǵan kilem sizdiń dostaryńyzdy tańǵaldyrary sózsiz. Bul jer betindegi eń jumsaq ári tegis teri», - degen ol óz jarnamasynda.
Onyń aıtýynsha, óz terisin leopardtyń terisine aınaldyrý úshin 300 saǵat jumsaǵan. Aıta keterligi, ol óziniń terisin tiri kezinde bergeli otyrǵan joq. Satyp alýshy ony tek Artýrdyń óliminen keıin ǵana ala alady.
Qazir ǵalamtor-bássaýdasy bastaldy. Lottyń alǵashqy quny nebári 27 dollardy qurap otyr.
