Tanymal jýrnalıst Dıas Ahmetshárip ómirden ótti

ASTANA. KAZINFORM – Tanymal sport jýrnalısi, BAQ salasynyń belgili ókili Dıas Ahmetshárip 49 jasynda ómirden ótti. Málimetti Týrızm jáne sport mınıstrligi rastady. 

Buǵan deıin Dıas Sovetqalıuly mıyna qan quıylyp, komaǵa túskeni jaıly jazǵan edik.

Ondaǵy málimetke saı, oqıǵa Aqtaýda qalasynda bolǵan. Keıin dárigerler onyń jaǵdaıyn asa aýyr dep baǵalaǵan. Aqyry sol syrqatynan ońala almaı, búgin ómirden ótti. 

Dıas Ahmetshárip eńbek jolyn 1997 jyly Qazaq radıosynyń reporteri bolyp bastaǵan. Uzaq jyl «Habar» agenttigi men «Qazaqstan» telearnasynda sport jýrnalısi bolǵan.

«Qazsport» memlekettik telearnasynyń tuńǵysh dırektory, «Insport» telearnasynyń bas redaktory qyzmetin atqarǵan.

2003-2007 jj. — QR Sport jáne týrızm isteri agenttiginiń baspasóz qyzmetiniń basshysy, baspasóz hatshysy;

2010 — 2012 jj. — «Astana-SK» korporatıvtik qorynyń qoǵammen baılanys departamentiniń dırektory (Sportty qoldaý qory);

2012-2013 jj. — QR Sport jáne dene shynyqtyrý isteri agenttigi tóraǵasynyń keńesshisi boldy.

Olımpıada jáne Azııa oıyndarynyń, sport túrlerinen álem chempıonattarynyń sport sholýshysy jáne QR quramasynyń baspasóz attashesi boldy.

Eske salsaq, 2023 jyldyń kúzinde Dıas Ahmetshárip Týrızm jáne sport mınıstriniń qoǵammen baılanys jáne BAQ jónindegi keńesshisi qyzmetine taǵaıyndalǵan edi.

Sonymen qatar ol Іshki ister mınıstrligi janyndaǵy esirtki qylmysyna qarsy kúres jónindegi keńestiń quramynda jumys istedi.