Tanymal jýrnalıst Ashat Nııazov qylmystyq is fıgýrantyna aınaldy
ASTANA. KAZINFORM – Jibek Joly telearnasynyń «Búgin Live» baǵdarlamasyna eksklıýzıv suhbat bergen Ashat Nııazov Semeı qalasynda úleskerlerdi baspanasyz qaldyrǵan DALA SK kompanııasy tóńiregindegi ahýalǵa qatysty pikirin bildirdi.
Nııazovtyń aıtýynsha, túsirilim kezinde qurylys qarqyndy júrip jatyp, 3-4 qabaty turǵyzylyp qoıǵan edi. Dál osy jaıt jobanyń naqty zańdy ekendigine senim uıalatqan. Sonymen qatar ol barlyq ruqsat qaǵazynyń bar-joǵyn teksermegenin moıyndap otyr.
– Qujattaryn teksermegenim múldem durys bolmady. Sondyqtan da árıne mende bul úshin jaýapkershilik arqalaımyn jáne qarjy quıǵan turǵyndardan taǵy da keshirim suraımyn. Qazirgi ýaqytta jańa túsirilim jasap, atalǵan qurylys kompanııasyna qatysty barlyq shyndyqty, munyń bári qalaı bolǵanyn, olardyń aqshany qalaı alǵanyn, odan keıin ne istegenin aıttyq. Jáne de qazirgi ýaqytta kúsh-jigerimizdi biriktirip, jańa ınvestor tabýǵa tyrysyp jatyrmyz, - dedi tilshi.
Ol kompanııa ózin adaldyǵyna sendirgenin aıtady: munyń aldynda olar úleskerlerdi aldamapty-mys, ruqsat qujattary bar, Óskemende basqa jobalary bolǵan.
– Men eshteńe suraǵanym joq. Árıne, bul meniń qateligim boldy. Ákimdikpen de qarym-qatynasym jaqsy emes edi. Sondyqtan ol jaqqa barmaýǵa tyrystym. Iá, olar (qurylys kompanııasy) maǵan uzaq ýaqyt habarlasyp, «jergilikti bıznes úshin alańdaımyz, qurylystyń qalaı júrip jatqanyn, qandaı máseleler bar ekenin kórsetemiz» degen edi. Sodan keıin kelisken bolatynmyn, - dep moıyndaıdy ol.
Jýrnalıst túsirilimniń kommertsııalyq bolǵanyn atap ótedi. Biraq qurylys barysy týraly paıdaly aqparat berýdi maqsat tutty.
– Munyń ústine bul jaı ǵana jarnamalyq túsirilim emes. Bul – qurylys jaıly túsirilim. Kirpishtiń, penobloktyń qalaı jasalatynyn, terezelerdiń qalaı daıyndalatynyn anyqtadyq. Sol kásiporyndardyń bárine baryp, túgelin kórsettik. ıAǵnı, túsirilim barynsha paıdaly bolǵanyn, adamdardyń qurylys qala júrgiziletinin bilgenin qaladyq. Tek ol kommertsııalyq bolǵandyqtan atalǵan kompanııa tólem jasady jáne biz mysal retinde olardyń turǵyn úılerin túsirdik. Sondyqtan da aınalyp kelgende bul da jarnama faktisi ǵoı, - dep atap ótedi Ashat Nııazov.
Beınematerıal jaryq kórgennen keıin tilshige DALA SK klıentteri tarabynan qurylys jumystarynyń sapasyz júrgizilgenine qatysty shaǵymdar túse bastaǵan.
Jýrnalıst zardap shegýshilermen habarlasyp, kompanııa basshylyǵymen kezdesken jáne klıentterdiń qarajattaryn qaıtarýǵa qol jetkizgen. Biraq keıinirek Semeıdegi turǵyn úı kesheniniń ruqsat qujattarynsyz salynǵany belgili bolǵan.
– Biz DALA-SK-ke bardyq, basshylaryn jınadyq. Ol jerde Dáýren, Muratbek boldy. Olar maǵan: «Boldy, boldy, sizdiń jaǵdaıyńyzdy tipti bilmeı qaldyq. Bizde ol jerde myńdaǵan nysan, páter bar jáne sizdiń keısińizdi bilmeı qaldyq. Bárin sheshemiz», - dep ýáde berdi. Olar sol qarajattardy qaıtarýy úshin 2 aı boıy kún saıyn Dáýrenmen habarlasyp turdym. Biz sapasyz nemese tolyq bitpegen jumystary úshin qaryz aqshalaryn áýpirimdep júrip qaıtardyq. Birneshe aıdan keıin olar men habarlasqandardyń bárine aqshalaryn qaıtaryp berip, men sabama tústim. Ol uzaqqa barmady. Óıtkeni, Semeıden tergeýshi habarlasyp, olar salǵan turǵyn úıdiń zańsyz ekenin aıtty, - dedi ol.
Onyń aıtýynsha, DALA SK kompanııasy basshylarynyń biri bolǵan Dáýren tutqynǵa alynyp, qylmystyq is qozǵalǵan. Sonymen qatar ol turǵyn úıdi salý úshin jumystardy ruqsatsyz bastap ketý múmkindigin boldyrmaý úshin qurylys salasyndaǵy zańnamany qaıta qaraý kerektigin aıtady.
Ashat Nııazov endigi ýaqytta qurylys sektoryna múldem araspaıtynyn aıtady. Sondaı-aq ol azamattardy qurylys kompanııalarynyń qujattaryn muqııat tekserýge jáne qarajatty salmas buryn zańgerlermen mindetti túrde keńesýge shaqyrdy.