Reseıdiń tanymal telejúrgizýshisi ıÝrıı Nıkolaev qaıtys boldy

ASTANA. KAZINFORM — Reseıdiń halyq ártisi, akter, tanymal telejúrgizýshi ıÝrıı Nıkolaev 77 jasynda dúnıeden ótti, dep habarlaıdy TASS agenttigi.

Onyń qaıtys bolǵany týraly Reseıdiń halyq ártisi, A. Vaganova atyndaǵy Reseı balet akademııasynyń rektory Nıkolaı Tsıskarıdze óziniń Telegram-arnasynda habarlady.

— ıÝrıı Nıkolaev baqıǵa attandy. Ol — kóptegen juldyzdardyń jolyn ashqan adam. Jýyrda ǵana biz «Segodnıa vecherom» efırinde onyń kásibı mereıtoıyn birge atap óttik. Endi ómirden ótkeni týraly habar keldi, — dep jazdy Tsıskarıdze.

ıÝrıı Nıkolaev 1948 jyldyń 16 jeltoqsanynda Kıshınev qalasynda dúnıege kelgen. 1970 jyly GITIS-ti «Teatr jáne kıno akteri» mamandyǵy boıynsha bitirip, Pýshkın atyndaǵy Máskeý drama teatrynda eńbek jolyn bastady.

1970-jyldardyń ortasynan bastap Nıkolaev keńes televıdenııasynyń bet-beınesine aınaldy. Ol «Ýtrennıaıa pochta», «Golýboı ogonek», «Pesnıa goda», «Spokoınoı nochı, malyshı!» baǵdarlamalaryn júrgizdi. Al keıin jastardyń kóptegen talanttaryn tanytqan «Ýtrennıaıa zvezda» mýzykalyq shoýynyń avtory, ári turaqty júrgizýshisi boldy.

2000–2010 jyldary Nıkolaev «Tantsy so zvezdamı», «Dostoıanıe respýblıkı», «Bolshaıa peremena» sııaqty tanymal jobalardy, sondaı-aq óziniń «Chestnoe slovo s ıÝrıem Nıkolaevym» atty avtorlyq baǵdarlamasyn júrgizdi.

1998 jyly oǵan Reseıdiń halyq artısi ataǵy berildi, ol Dostyq jáne Qurmet ordenderimen, sondaı-aq RF Úkimetiniń mádenıet salasyndaǵy syılyǵymen marapattalǵan.

2024 jyly telejúrgizýshi óziniń shyǵarmashylyq jolyna qorytyndy jasaǵan «Zdes vse po-chestnomý» atty avtobıografııalyq kitabyn shyǵardy.