Tanymal sportshyǵa júrgizýshi kýáligin berýden bas tartyldy

ASTANA. KAZINFORM — Qazaqstandyq mánerlep syrǵanaýshy Elızabet Tursynbaeva júrgizýshi kýáligin alýdaǵy sátsiz áreketi týraly málimdedi, dep habarlaıdy Kazinform tilshisi.

2019 jyly mánerlep syrǵanaýdan álem chempıonynyń vıtse-chempıony atanǵan sportshy 2025 jyly avtokólik júrgizýdi úırenemin dep sheshim qabyldaǵan. Alaıda, is júzinde barlyq talaptardy oryndaǵanymen, emtıhan nátıjesi qabyldanbaǵan.

— Kólik júrgizý boıynsha emtıhandy tapsyrdym, is júzinde óttim, biraq júıede «aqaý» bolyp, fınıshti eseptemeı qoıdy. Tapsyrmańyzdy joqqa shyǵaryp, qańtarda qaıta tapsyryńyz dedi, — dep jazdy Tursynbaeva Instagram-daǵy paraqshasynda.

Sportshyǵa mundaı tehnıkalyq aqaýlar jıi bolyp turatyny túsindirilgen. Degenmen Tursynbaeva bul «kezdeısoqtyqtar» múmkin emes ekenin boljap, qatty renjigenin jetkizdi.

Oqyrmandar sportshynyń kóńilin kóterý úshin oǵan jyly lebizderin jazdy.

Osyǵan deıin Elızabet Tursynbaeva depýtattyqqa úmitker atanǵanyn jazǵanbyz.