Tanymal saýda jelilerin bopsalaǵan «blogerler» sottaldy

PETROPAVL. KAZINFORM – Petropavl qalasynyń eki turǵyny «Magnum» jáne «Semeınyı» saýda jelilerinen «reıd» dep atalatyn beınetúsirilimdi áleýmettik jelilerde jarııalaýdy toqtatý úshin aqsha bopsalady dep aıyptaldy.

Olar uıaly telefondarǵa saýda jelileriniń dúkenderine barǵanyn jazyp alyp, jarııa etilgen jaǵdaıda menshik ıeleriniń múddelerine aıtarlyqtaı zııan keltirýi múmkin aqparat jınaǵan. Keıinnen jarııalanymdar «Instagram» áleýmettik jelisinde jáne «Youtube» arnasynda júrgizilgen.

- Sottalǵandardyń kinási jábirlenýshilerdiń, kýálardyń aıǵaqtarymen, jasyryn tergeý áreketteriniń nátıjelerimen jáne qylmystyq istiń basqa da materıaldarymen dáleldendi, - delingen SQO prokýratýrasy habarlamasynda.

Aıyptaý úkimi alqabıler alqasynyń qatysýymen shyǵarylyp, eki adamǵa naqty merzimi 7 jylǵa bas bostandyǵynan aıyrý túrinde jaza taǵaıyndaldy.

Petropavl qalalyq sotynyń «blogerlerge» qatysty úkimi zańdy kúshine endi.

Aıta keteıik, Oralda bopsalaýmen aınalysqan kolledj stýdentteri ustaldy.