Tanymal qytaılyq búrkitshi qyz Mańǵystaýǵa Amal merekesine arnaıy keldi
AQTAÝ. KAZINFORM – Qytaılyq tanymal bloger Taotaoaima Mańǵystaý óńirine arnaıy kelip, qazaqtyń kóne dástúri - Amal merekesin óz kózimen kórdi.
Ol bul erekshe merekeni alǵash ret tamashalap, halyqtyń bir-birimen kórisip, aqjarma tilek aıtyp jatqan sátterine qatty áserlengenin aıtty.
- Qazaq halqynyń qonaqjaılylyǵyna jáne ulttyq dástúrlerdiń áli kúnge deıin saqtalyp kele jatqanyna tánti boldym, - dedi Taotaoaima.
Aıta keteıik, Mańǵystaý halqy 14-naýryz – Amal merekesin atap ótip jatyr. Otpan taýdyń basynda 30 dan astam aǵash úı tigilip, shamamen 5 myńǵa jýyq adam jınaldy. Alys-jaqyn shet elderden meımandar kelip, sharanyń mańyzdylyǵyn odan ári arttyrǵan. Túrli sporttyq jarystar, alamen báıge, qunan jarystar ótip jatyr.
Amal merekesinde jergilikti halyq bir-birimen kórisip, bir-birine aqjarma tilek arnaıdy. Úlkender kishilerge bata berip, eldi birlikke, yqtymaqqa shaqyrady.
Buǵan deıin, Búgin – Amal merekesi: kóne zamannan jalǵasqan aıryqsha dástúr týraly jazǵan bolatynbyz
Jetisýda Kórisý kúni – Amal merekesi toılandy.
