Tanymal qazaqstandyq boksshy 5 jyldan soń rıngke qaıta oralady

Qazaqstandyq boksshy Rýslan Myrsataev (7-0, 6 KO) araǵa uzaq ýaqyt salyp mansabyn qaıta jalǵastyrý týraly sheshim qabyldady, dep habarlaıdy Kazinform Sports.kz-ke silteme jasap.

Ol 1 naýryz kúni Almatydaǵy Balýan Sholaq atyndaǵy sport saraıynda ótetin boks keshinde óner kórsetedi. Ázirge qarsylasynyń esimi áli jarııalanǵan joq.

Sporttyq is-sharaǵa Dáýlet Dáýkenov, Álı Baloev, Beksultan Raýshanov, Saparbaı Aıdarov jáne taǵy da basqa qazaqstandyq boksshylar qatysady. 

Aıta keteıik, Rýslan Myrsataev  2019 jyldyń qazan aıynda Almatyda belarýs boksshysy ıÝrıı Byhovtsevti jeńgennen keıin kásipqoı bokstaǵy sporttyq mansabyn aıaqtaǵan bolatyn. Sportshy araǵa 5 jyl salyp sharshy alańǵa qaıta oralmaqshy.