Tanymal qazaqstandyq aýyr atlet 8 jylǵa sporttan shettetilýi múmkin

Qazaqstandyq aýyr atlet Zýlfııa Chınshanlonyń basy taǵy da daýǵa qaldy, dep habarlaıdy Kazinform.

Dúnıejúzilik dopıngke qarsy agenttik (WADA) taratqan málimet kózderine súıensek, bir jyldan beri úlken jarystarǵa shyqpaǵan Chınshanloǵa taǵy da dopıng qoldandy degen aıyp taǵyldy. 

Jarystan tys kezeńde alynǵan mindetti dopıng-baqylaýdan keıin aýyratlet sporttyq qyzmetten ýaqytsha shettetilgen. Onyń synamasynan «Metandıenon» anabolıkalyq steroıd belgileri baıqalǵan. Eger, sportshynyń dopıng qoldanǵany rastalyp jatsa, ol taǵy segiz jylǵa sporttan shettetilýi múmkin. 

Esterińizge sala keteıik, Chınshanlo 2012 jyly London Olımpıadasynda qossaıys qorytyndysy boıynsha 226 (95 + 131) kelini baǵyndyryp, chempıon atanǵan bolatyn. Ókinishke qaraı jeńis toıy uzaqqa barmady. Onyń Olımpıada oıyndarynda dopıng qoldanǵany dáleldenip, altyn medalinen aıyrylyp qaldy. Sondaı-aq medalinen aıyrylyp qana qoımaı, 2016-2018 jyldary barlyq sanattaǵy jarysqa qatysý quqyǵynan aıyryldy. 

Alaıda, sporttan shettetý merzimi aıaqtalǵannan keıin sportshy Tokıo Olımpıadasyna qatysyp, 55 keli salmaqta el qorjynyna qola medal salǵan bolatyn.