Tanymal fýtbolshy Dıogý Jota qaıtys boldy

ASTANA. KAZINFORM – Portýgalııa quramasy men aǵylshyndyq «Lıverpýl» komandasynyń oıynshysy Dıogý Jota jol apatynan qaza tapty. Bul týraly Marca ınternet basylymy habarlady. 

Championat.com sport portalynyń málimetinshe, jol-kólik oqıǵasy Ispanııanyń batysyndaǵy Samora provıntsııasynda bolǵan. Qatty jyldamdyqpen kólik joldan shyǵyp ketken, artynsha aýdarylǵan, órtengen. Sol kezde jol apatyna túsken aǵaıyndy fýtbolshylar kólikten shyǵa almaı qalǵan. Ókinishke qaraı 28 jastaǵy fýtbolshy men onyń aǵasy kóz jumdy. 

Djota – «Lıverpýl» oıynshysy retinde kópshilikke tanymal. Atalǵan klýb sapynda 2020 jyldan beri oınady. Portýgalııalyq vınger mersısaıdtyq klýbpen birge Anglııa chempıony atandy, Anglııa kýbogyn jáne Anglııa lıgasynyń kýbogyn jeńip aldy. Buǵan deıin ol «Výlverhempton», «Atletıko Madrıd», «Portý» jáne «Pakos de Ferreıra» klýbtarynyń qatarynda da dop tepken. 

Ulttyq qurama sapynda da sátti óner kórsetip, eki ret UEFA Ulttar lıgasyn jeńip alǵan bolatyn. 

Eske sala keteıik, buǵan deıin «Astana» fýtbol klýbynyń sapyna Ivan Bashıch qosylǵanyn jazǵan edik.