Tanymal eki qalamger Mahambet atyndaǵy halyqaralyq syılyqtyń ıegeri atandy
ATYRAÝ. KAZINFORM — Atyraýda Qazaqstan Jazýshylar odaǵynyń kóshpeli plenýmy aıasynda tanymal aqyn men ádebıet synshysyna daýylpaz aqyn Mahambet atyndaǵy halyqaralyq syılyq berildi.
Atalǵan syılyqty Qazaqstan Jazýshylar odaǵynyń basqarma tóraǵasy Mereke Qulkenov Mahambet atyndaǵy akademııalyq qazaq drama teatryndaǵy saltanatty sharada tabys etti.
Daýylpaz aqyn atyndaǵy halyqaralyq syılyqqa eki qalamger ıe boldy. Syılyq ıegeriniń biri — aqyn, Memlekettik syılyqtyń laýreaty Iranbek Orazbaev, ekinshisi — ádebıet synshysy, Qazaqstannyń eńbek sińirgen qaıratkeri Álııa Bópejanova.
El jadynda rýhty jyrlarymen saqtalǵan aqyn Mahambet atyndaǵy halyqaralyq syılyqtyń 2 mln teńge kólemindegi qarjysy bar.
Eske sala ketelik, budan buryn kompozıtor Ilıa Jaqanov Qazaqstannyń qurmetti jazýshysy atanǵanyn habarlaǵan edik.
Sondaı-aq, Atyraý metsenattary qalamgerlerdiń kitabyn shyǵarýǵa demeýshilik jasaıtynyn jazǵan bolatynbyz.