Tanymal boksshy Maık Taıson Qazaqstanda jekpe-jek ótkizýi múmkin

ASTANA. KAZINFORM – Bokstan aýyr salmaqtaǵy burynǵy absolıýtti álem chempıony, aty ańyzǵa aınalǵan amerıkalyq Maık Taıson Qazaqstanda jekpe-jek ótkizýi múmkin, dep habarlaıdy Kazinform Sportnews.kz saıtyna silteme jasap.

Shoýdy uıymdastyrýshylar MMA uıymyndaǵy áıgili faıter Fedor Emelıanenkony Qazaqstanǵa «Temir Maıkqa» qarsylas retinde shaqyrýdy josparlap otyr. 

— Bizdiń josparlarymyzǵa Maık Taıson men Fedor Emelıanenkonyń jekpe-jegin uıymdastyrý kiredi. Bul baǵyttaǵy jumystar qazirdiń ózinde qyzý júrip jatyr. Maık Taısondy shaqyrǵymyz keletin týrnırdi jeltoqsan aıyna josparlap otyrmyz, - dedi Astanada ótken baspasóz máslıhatynda Alash Pride lıgasynyń prezıdenti Álimjan Bektaev. 

Maık Taısonyń sporttyq mansabynda 50 jeńis (44 nokaýtpen) jáne 7 jeńilis bar. Byltyr ol qarsylasy Djeık Poldan biraýyzdan jeńilip qalǵan bolatyn. 

Eske sala keteıik, buǵan deıin buǵan deıin qazaqstandyq 22 jasqa deıingi 9 boksshy Azııa chempıony bolǵanyn jazǵan edik.