Tanymal blogerler eskertýden keıin qosymsha 18,2 mlrd teńge tabysyn deklaratsııalady — MKK

ASTANA. KAZINFORM — Qazaqstandyq ınflıýenserler salyq tólegende shynaıy kirisin jasyryp qalǵan. Alaıda bul áreketi áshkere bolyp, qosymsha 18,2 mlrd teńge tabysyn deklaratsııalady. Bul jóninde Qarjy mınıstrligine qarasty Memlekettik kirister komıteti málimdedi.

Vedomstvo málimetine júginsek, byltyr 854 tanymal blogerge jalpy 1586 habarlama jiberilgen. Óıtkeni olar 2022-2023 jyldarda tabysyn 71,9 mlrd teńgege azaıtyp kórsetken. MKK eskertýinen keıin ınflıýenserlerdiń birqatary aqylǵa kelip, qosymsha tabysyn kórsetken.

— Ázirge 622 ınflıýenser (bloger) qosymsha formalardy tapsyrý arqyly 18 mlrd 292 mln teńge tabysyn deklaratsııalady. Odan 875,5 mln teńge salyq shegerildi, — dep habarlady komıtettiń baspasóz qyzmeti.

Esińizge salaıyq, byltyr aqpan aıynda da Memlekettik kirister komıteti blogerlerge tólenbegen salyq jóninde jappaı habarlama joldaǵan bolatyn. Ol kezde 594 azamat tabysyn jalpy 53,3 mlrd teńgege tómendetip kórsetkenin habarlaǵan edik.

Alpamys Faızolla