Tanymal ánshi Jony ózine syıǵa tartylǵan kóshetti botanıkalyq baqqa ekti
ASTANA. KAZINFORM – Elordalyq áýejaıda tanymal ánderdiń avtory, oryndaýshy Jony-ge kóshet syıǵa tartyldy. Sol kúni Jony bul aǵashty qalanyń botanıkalyq baǵyna ekti. Bul týraly elorda ákimdiginiń resmı saıty jazdy.
Jony osyndaı erekshe ári maǵynaly syılyq úshin rızashylyǵyn bildirip, onyń tabıǵatty jáne qorshaǵan ortany qorǵaýǵa baǵyttalǵan jobalarǵa qatysýy erekshe mańyzdy ekenin atap ótti.
Boz arsha kósheti botanıkalyq baqqa otyrǵyzyldy.
Elordada «Taza Qazaqstan. Astana — tazalyq pen tártiptiń úlgisi» aýqymdy ekoaktsııa jalǵasyp jatyr. Aýqymdy ekoaktsııa sheńberinde jasyl ekpelerdi otyrǵyzý, qalany sanıtarlyq tazartý, nóser jáne aryq kárizderin, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy jáne t. b. jınaý jumystary júrgizilýde.
