Tanymal ánshi Almas Kishkenbaevqa sot úkimi shyqty

ALMATY. KAZINFORM – Qazaqstandyq ánshi Almas Kishkenbaev15 táýlikke qamaldy.

Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty jabyq túrde Kishkenbaevqa qatysty ákimshilik quqyq buzýshylyq týraly isti qarady.

Almas Kishkenbaevqa ÁQBtK-niń 434-babynyń 1-bóligi boıynsha aıyp taǵylyp otyr. Bul bap boıynsha oǵan 20 AEK (78 640 teńge) mólsherinde aıyppul salynýy nemese 5 táýlikten 15 táýlikke deıingi merzimge ákimshilik qamaqqa alynýy qaralady.

Sot K.-nyń mas kúıinde osyndaı áreketterdi jasaǵanyn anyqtady.

Sotta ánshi jaǵdaıdyń mán-jaıy esinde joq ekenin túsindirdi.

– Joǵaryda aıtylǵandardyń negizinde K.-ǵa ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 15 táýlikke qamaýǵa alý jazasy taǵaıyndaldy,– dep habarlady sottan.

Sot qaýlysy zańdy kúshine engen joq.

Eske salaıyq, buǵan deıin Telegram-arnalardyń birinde ánshi Almas Kishkenbaev oqýshyǵa tıisti degen aqparat taraǵan bolatyn. 

Aıta keteıik, Almatyda tanymal ánshi qamaýǵa alyndy, onyń nasha shegip, oǵan masań kúıde bolǵany anyqtalǵan.