Tanym belgisi joq kólikter jol erejesin buzýshylardy anyqtap jatyr
ASTANA. KAZINFORM — Bıyl respýblıkalyq joldardyń 20 ýchaskesinde lazerlik júıe ornatylady. Bul týraly Úkimet otyrysynda Іshki ister mınıstri Erjan Sádenov aıtty.
— Trassalarda lazerlik júıeler engizilip jatyr. Qazirgi ýaqytta 22 ýchaskede 56 osyndaı qural bar. Ol túngi ýaqytta jáne aýa raıy buzylǵan kezde júrý baǵytyn kórsetip otyrady. Bul jumysty jalǵastyramyz. Jyldyń sońyna deıin qosymsha 20 ýchaskede 48 júıe ornatý josparda bar, — dedi Erjan Sádenov.
Onyń atap ótýinshe, joldardaǵy qaýipsizdikti saqtaý jáne zań buzýshylyqtardy anyqtaý úshin drondar men mobıldi keshender belsendi qoldanyp jatyr.
— Olar tanym belgileri joq kólikterge ornatylady. Mundaı tásilder jol erejesin buzý faktileri, qarsy jolaqqa shyǵý jaǵdaılaryn kóbirek anyqtaýǵa, mas júrgizýshilerdi tezirek ustaýǵa, óreskel quqyq buzýshylarǵa qatysty qamaý sharasyn keńinen qoldanýǵa múmkindik beredi. Nátıjesinde joldaǵy qaýipsizdik jaǵdaıy aıtarlyqtaı jaqsaryp keledi, — dedi mınıstr.
Aıta keteıik, otyrysta jol qozǵalysy qaýipsizdigin qamtamasyz etý máselesi qaralyp, jylý berý maýsymyna daıyndyq barysy pysyqtalyp jatyr.
