05:16, 03 Naýryz 2014

Tańǵy astyń 10 sharapaty

ASTANA. QazAqparat - Shamamen segiz saǵattyq uıqy kezinde aǵza sýsyz jáne tamaqsyz qalady. Osy ýaqyt ishinde biz ashyǵyp úlgeremiz, sondyqtan kún boıyna kúsh jınap alý úshin tańerteń aǵzanyń «qýat qoryn» mindetti túrde paıdaly aspen toltyrý kerek.

Mezgilsiz tamaqtaný, tańǵy astan bas tartý saldary densaýlyqqa zııanyn tıgizýi múmkin, ol adamnyń aqyl-oı, dene is-qımyly fýnktsııasynyń buzylýyna ákeledi.

Tańǵy as mázirin jıirek aýystyryp otyrý qajet. Ár túrli azyq-túlikti úılestirý durys tamaqtanýdyń kepili, óıtkeni ár túrli azyqtyń quramyna ár túrli nárli zattekter men dárýmender bolady. Tańǵy as:

Kúndi sergek bastaý úshin adam aǵzasyn nárlendiredi; Kúni boıy júre jeý qajettiligin tómendetedi, osylaısha adamnyń tábeti retteledi; Ekinshi tıpti dıabet jáne júrek - tamyr aýrýlarynyń paıda bolý múmkindigin azaıtady; Tańǵy sharshaýdy jáne uıqyshyldyqty azaıtady; Deneniń qalypty salmaǵyn saqtaýǵa kómektesedi; Gormonaldy fondy jáne qandaǵy qant deńgeıin turaqtandyrýǵa kómektesedi; Densaýlyqty jaqsartady jáne ózin-ózi jaqsy sezinýge kómektesedi; Aryqtaýǵa kómektesedi; Adamnyń qýatyn arttyryp, kóńil- kúıin kóteredi Nazaryn bir jerge shoǵyrlandyrýǵa kómektesedi jáne oılaý qabiletin jaqsartady.

Kún saıyn tańǵy as ishetin adamdar sany ýaıymǵa salynbaı, kúızeliske sırek ushyraıdy jáne birshama salaýatty ómir súredi. Árbir kúnińiz tańǵy astan bastalýy qajet ekendigi esińizde bolsyn!

Densaýlyq Medıtsına Qoǵam

bez avtora

Avtory