Tańǵy as ishpeý júrek aýrýlaryna ákelýi múmkin
ASTANA. 21 qańtar. QazAqparat - Garvard mektebiniń mamandary júrgizgen jańa zertteý tańǵy as ishpeý júrek aýrýlaryna ákelý qaýpin arttyratynyn kórsetti, dep jazady rosbalt.ru.
Budan basqa, zertteýde birneshe mańyzdy jaıttar bar. Birinshiden, bálish, fastfýd sııaqty maıly, zııandy taǵam jese, júrek aýrýlarynan qashyp qutyla almaısyz.
Ekinshiden, tańǵy as densaýlyqqa oń áser etetin durys daǵdylardyń biri ǵana. Biraq bul jerde densaýlyqqa ne paıdaly ekenin bilý asa mańyzdy.
Ǵalymdar respondentterdiń bir kúnde taǵam jeý jıiligin zerdeledi, sodan keıin 1992 jyldan bastap 2008 jyl aralyǵy boıynsha 26 902 er medıtsınalyq qyzmetkerlerdiń ómirin baqylaýǵa alǵan. Tájirıbe bastaǵan ýaqytta erlerdiń jasy 45 pen 82 jas aralyqtaryn qamtyǵan.
Zertteý tańǵy as ishken respondentterge qaraǵanda, tańǵy as ishpegen erlerdiń 27 paıyzdan astamy júrek talmasyna beıim bolǵanyn nemese júrektiń ıshemııalyq aýrýynan qaza tapqandyǵyn kórsetti.
Mamandar tańǵy asqa aqýyz, kókónis, dándi daqyldan jasalǵan botqa tutynýdy usynady. Eger kúnine 2000-ǵa jýyq kolorııa tutynsa, onda onyń 200-den 600-ge deıin kolorııasy tańerteńgilik asta bolady.
Bul maısyzdandyrylǵan sútpen kofe, kókónis jáne jańǵaqtar qosylǵan suly jarmasy nemese jemistermen jumyrtqa bolýy múmkin.
