Tańerteń Týıtter jelisinde aqaý paıda boldy
ASTANA. QazAqparat - Týıtter mıkroblogtary qyzmetiniń jappaı óshýine baǵdarlamalyq qamtylymnyń jańartylýy sebep bolǵan. Bul týraly áleýmettik jeliniń ákimshiligi túsindirdi.
19 qańtarda tańerteń twitter.com saıtyna kirmek bolǵan paıdalanýshylar qyzmettiń tehnıkalyq aqaý saldarynan istemeı tur degen habarlama alǵan.
Saıt Eýropa aýmaǵynda, Taıaý Shyǵys, Afrıka jáne Soltústik Amerıka birqatar elderinde jumys istemegen.
Keshke qaraı áleýmettik jeliniń basshylyǵy jumystaǵy aqaýlar «ishki kodtyń ózgerýine» baılanysty bolǵanyn túsindirdi.
«Biz júıeni burynǵy qalpyna keltirdik, bul másele sheshildi», - dep málimdedi Týıtter ákimshiliginen.
Jelidegi aqaý saldarynan Twitter Inc. Aktsııasynyń quny shamamen 7 paıyzǵa tómendegen.
