TANECO kýbogy: «Barys» tórtinshi oryndy mise tutty

ASTANA. QazAqparat - Elordalyq «Barys» shaıbaly hokkeıden TANECO kýbogynda tórtinshi oryndy mise tutty, dep habarlaıdy QazAqparat tilshisi.

Qazaqstandyq komanda 3-oryn úshin saıysta Reseıdiń «Lokomotıv» (ıAroslavl) komandasyna 0:4 esebimen ese jiberdi.

Fınalda «Ak Bars» (Qazan) jáne «Traktor» (Chelıabi) komandalary synǵa túsedi.

Qazaqstandyq klýb atalǵan týrnırdiń toptyq kezeńinde «Ak Barstan» 2:5, «Traktor» men «Lokomotıvten» 1:2 esebimen jeńilip qaldy.

Týrnırdiń tarıhy 2020 jyldan bastaý alady. Bıyl oǵan alǵash ret sheteldik komanda retinde «Barys» qatysyp otyr.

Endi «Barys» 20-25 tamyz kúnderi Reseıdiń Omby qalasyndaǵy Blınov kýbogyna qatysady. Qarsylastary - «Avangard» (Omby), «Lokomotıv» (ıAroslavl), «Neftehımık» (Nıjnekamsk) jáne «Salavat ıÝlaev» (Ýfa) komandalary.

Aıta ketsek, «Barys» Qurlyqtyq hokkeı lıgasyndaǵy alǵashqy oıynyn 2 qyrkúıekte «Salavat ıÝlaev» klýbyna qarsy ótkizedi.

Odan keıin 4 qyrkúıekte reseılik taǵy bir komanda «Sıbır» komandasyn qabyldaıdy.