TANECO Kýbogy: «Barys» ekinshi kezdesýde «Traktordan» jeńilip qaldy
ASTANA. QazAqparat – Búgin elordalyq «Barys» shaıbaly hokkeıden «TANECO Kýbogy» týrnırindegi alǵashqy oıynyn Reseıdiń «Traktor» (Chelıabi) komandasyna qarsy ótkizdi, dep habarlaıdy QazAqparat tilshisi.
Kezdesý barysynda reseılik hokkeıshiler alǵashy kezeńdi belsendi bastady. Nátıjesinde 12-mınýtta olardyń qatarynan Vıtalıı Kravtsov esep ashyp ketti.
Ekinshi kezeńde qazaqstandyq Batyrlan Muratov 22-mınýtta tarazy basyn teńestirdi.
Úshinshi kezeńde qaıtadan «Traktor» komandasy alǵa shyqty. Bul joly Maksım Shabanov 47-mınýtta kózdegen nysanadan múlt ketken joq.
Osylaısha elordalyq klýb qarsylasyna 1:2 esebimen ese jiberdi.
Aıta ketsek, budan buryn 12 tamyzda «Barys» reseılik «Lokomotıv» komandasyna jol berse, «Traktor» «Ak Barstan» 3:4 esebimen jeńildi.
Endi elordalyq klýb 13 tamyzda «Ak Bars» klýbymen sheberlik baıqasady.
Al 14 tamyzda 3-oryn úshin saıys jáne fınal bolady.
Týrnırdiń tarıhy 2020 jyldan bastaý alady. Bıyl oǵan alǵash ret sheteldik komanda retinde «Barys» qatysady.
