TANECO Kýbogy: «Barys» alǵashqy oıynda reseılik «Lokomotıvke» ese jiberdi

ASTANA. QazAqparat – Búgin elordalyq «Barys» shaıbaly hokkeıden «TANECO Kýbogy» týrnırindegi alǵashqy oıynyn Reseıdiń «Lokomotıv» (ıAroslavl) komandasyna qarsy ótkizdi, dep habarlaıdy QazAqparat tilshisi.

Reseıdiń Qazan qalasynda (Tatarstan) ótip jatqan týrnırdiń alǵashqy kezdesýinde qazaqstandyq komanda Reseıdiń «Lokomotıv» (ıAroslavl) klýbymen kezdesti.

Oıynnyń 5-mınýtynda «Barys» sapynan Raıll Barber esep ashyp ketti. Bul – komandaǵa bıyl qosylǵan AQSh hokkeıshisiniń alǵashqy goly.

Ekinshi kezeńde «Lokomotıv» oıynshylary tarazy basyn teńestirýge umtyldy. Nátıjesinde ıAroslav Lıhachev 32-mınýtta kózdegen nysanadan múlt ketken joq.

Úshinshi kezeńde reseılik klýbtan Alekseı Kojevnıkov 41-mınýtta óz komandasyn alǵa shyǵardy.

Osylaısha «Barys» qarsylasyna 1:2 esebimen ese jiberdi.

Endi elordalyq klýb 11 tamyzda «Traktor» (Chelıabi), 13 tamyzda «Ak Bars» (Qazan) klýbymen sheberlik baıqasady.

Al 14 tamyzda 3-oryn úshin saıys jáne fınal bolady.

Týrnırdiń tarıhy 2020 jyldan bastaý alady. Bıyl oǵan alǵash ret sheteldik komanda retinde «Barys» qatysady.