«Tańbaly tastar - babalar izimen» ekspedıtsııasy tarıhı oryndardy aralap shyqty
TÚRKІSTAN. QazAqparat - Túrkistan oblysynda «Tańbaly tastar - babalar izimen» atty ekspedıtsııa uıymdastyryldy. Túrkistan oblysy ishki saıasat basqarmasy uıytqy bolǵan týr Báıdibek, Sozaq aýdandary men Kentaý qalasyn qamtydy, dep habarlaıdy QazAqparat tilshisi.
Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda uıymdastyrylǵan ekspedıtsııa Qazaqstannyń kıeli jerlerine engen óńirdegi 24 nysandy tanystyrý ári kıeli óńirdiń baı tarıhy men tańbaly tastaryn nasıhattaý maqsatynda ótti. Sonymen qatar, óńirge keletin qonaqtar úshin jańa týrıstik baǵyttardy qalyptastyrý kózdeldi. Eki kúnge sozylǵan ekspedıtsııa barysynda qatysýshylar Báıdibek aýdanyndaǵy Boraldaı petroglıfteri men Aqmeshit úńgirine, Sozaq aýdanyndaǵy Ysqaq bab kesenesi men Arpaózen petroglıfterine jol tartty. Sondaı-aq, Sozaq kóne qalasy men Qarabýra kesenesine, Kentaý qalalyq ólketaný mýzeıi baǵyttary boıynsha tarıhı jerlerdi aralady.
Jergilikti ólketanýshylardyń aıtýynsha, Túrkistan oblysynda 3 myńnan asa petroglıf bar. Basym kópshiligi Saq dáýiriniń jádigerleri. Al, ondaǵy tas tańbalarda kóbine kóshpelilerdiń turmys-salty beınelengen.
Jalpy, mundaı ekspedıtsııanyń uıymdastyrylýy babalardan qalǵan tarıhı baǵa jetpes muralardy kózdiń qarashyǵyndaı saqtap, keıingi urpaqqa jetkizýge zor múmkindik bermek.
