Tańbaly shatqaly «ShYU 8 keremeti» týrıstik jobasyna kirdi

SIANЬ. QazAqparat – Búgin QHR Sıan qalasynda ótken Eýrazııa ekonomıkalyq forýmynda «ShYU 8 keremeti» týrıstik jobasy tanystyryldy. Tańdaýly segizdiń biri – Tańbaly tas beıneleri, dep habarlaıdy «QazAqparat» HAA tilshisi.

«ShYU 8 keremeti» jobasy ShYU-ǵa múshe elderdiń segiz sáýlet jáne tarıhı eskertkishin qamtıdy. Solardyń biri - tasqa qashap salynǵan 4 myńdaı tańbasy bar Tańbaly shatqaly. Shatqal ıÝNESKO qorǵaýynda. Tańdaýly segizdiń qatarynda Úndistandaǵy 182 metrlik Valabhaı Patel músini, Qyrǵyzstandaǵy Ystyqkól, Tájikstandaǵy Navrýz saraıy, Ózbekstandaǵy «Poı Kalon» arhıtektýralyq ansambli, Reseıdegi «Altyn saqına» baǵdary bar. Qytaı Damın saraıyn, Pákistan moǵoldardan qalǵan Lahor qalasyn usyndy.

«ShYU týrızm naryǵy ósip keledi. Joba biryńǵaı týrıstik baǵdardy qalyptastyrýǵa baǵyttalǵan», - deıdi ShYU bas hatshysy Vladımır Norov.

Onyń aıtýynsha, jalpy álemde týrızmnen keletin tabys kóbeıe túsýde. Byltyr álemdik týrızm naryǵy 5 paıyzǵa ósip, jalpy tabys 5 trln dollardy quraǵan.

Ekonomıkalyq forýmnyń uıymdastyrý komıtetiniń bas hatshysynyń orynbasary Van Kanveıdiń pikiirinshe, ShYU elderiniń tarıhı-mádenı muralarynyń áleýeti tolyq paıdalanylyp otyrǵan joq.

«Qytaılyqtar arasynda shetelge saıahattaý kórsetkishi kúrt artyp otyr. Jyl saıyn 150 mln adam shetel asady. Solardyń 2 mln-ǵa jýyǵy Reseıge barady, al Ortalyq Azııa elderine baratyndar tym az», - dedi ol.

Avtor: Samal Endibaeva