Tańbaly qoryq-mýzeıin damytý josparynyń birinshi kezeńi sátti júzege asýda
ALMATY. 9 qarasha. QazAqparat - Almaty oblysy Jambyl aýdanyndaǵy «Tańbaly» memlekettik tarıhı-mádenı jáne tabıǵı qoryq-mýzeıiniń ıÝNESKO-nyń Búkilálemdik muralar tizimine kirgenine 2014 jyly 10 jyl tolady.
«Qazjańǵyrtý» respýblıkalyq memlekettik kásiporny dırektorynyń orynbasary Erbolat Toqmaǵanbetovtyń aıtýynsha, ol qazirgi tańda Jetisý óńiriniń Balqash basseınindegi barynsha zerttelgen tarıhı-mádenı 50 nysannyń biri bolyp otyr. Qola dáýirinen qazirgi kezeńge deıingi 100-den astam tarıhı eskertkishter ornalasqan bul aımaqtyń mańyzy óte zor. Ókinishke oraı áskerı synaq alańy mańyndaǵy jartastaǵy sýretterdiń keıbiri keńestik dáýirde búlingen. «Munda 2006 jyldan beri «Ostov Krym» kásiporny jartastaǵy sýretterdi qalpyna keltirý jumystaryn júrgizip jatyr. Al bizdiń mekeme 2007 jyldan beri qoryq-mýzeı qyzmetkerlerimen birlesip, keshenniń ortańǵy aýmaǵynda týrıstik toptarǵa qolaıly júrý joldaryn jasap, ony qajetti aqparattyq nusqaýlyqtarmen qamtyp, demalatyn arnaıy oryndyqtar ornatýda», - deıdi E. Toqmaǵanbetov. Erbolat Erkinulynyń sózine qaraǵanda, ondaǵy jumystar 2008 jyly jasalǵan tujyrymdama boıynsha júzege asyp jatyr. Sonyń negizindegi jobanyń birinshi kezeńinde eskertkishterdi qalpyna keltirilip, týrıster úshin qolaıly jaǵdaı týǵyzý qajet. Al ekinshisinde jańa qyzmetterdi uıymdastyrý kózdelip otyr. Máselen, ortalyq aımaqtaǵy jazbalary eń kóp 5-toptaǵy jartastardaǵy eski sýretterdi qalpyna keltirýdiń qazirgi tańda 80 paıyz jumysy aıaqtaldy. Jalpy bul qoryq-mýzeı Qazaqstanda qazirgi tańda ıÝNESKO-nyń Búkilálemdik muralar tizimine engizilgen 2 nysannyń alǵashqysy sanalady. Ondaǵy arheologııalyq jáne jartastaǵy jazbalardyń zertteý obektisine aınalǵanyna 50 jyldan asqanymen áli de atqaratyn jumystar jetkilikti.
