«Tańbaly» aspan astyndaǵy mýzeıinde týrısterge arnalǵan aımaq ashyldy
«Almaty oblysyndaǵy «Tańbaly» biregeı tarıhı-mádenı jáne tabıǵı kesheninde týrısterge jaqsy jaǵdaılar jasalyp otyr. Kelýshiler jaıly ornalasyp, myńdaǵan jyl burynǵy adamdardyń qolymen jasalǵan artefaktilermen tanysa alady. Jalpy «Tańbaly» arheologııalyq landshaftyndaǵy petroglıfter ıÝNESKO-nyń álemdik mádenı muralar tizimine engen ári álem elderiniń týrısteri úshin tartymdy nysan bolyp otyr», - delingen baspasóz baıanynda. Týrıstik aımaq Qazaqstan Respýblıkasandaǵy BUU Damý Baǵdarlamasynyń bıoalýantúrlilik pen ekojúıelerdi saqtaý jobasynyń qoldaýymen ashylyp otyr.
Týrıstik aımaqtyń ashylý saltanatyna Birikken Ulttar Uıymynyń Qazaqstandaǵy Turaqty úılestirýshisi Norımasa Shımomýra myrza, Ystanbulda ornalasqan Eýropa jáne TMD úshin aımaqtyq habtyń memlekettik baǵadarlamalardy qoldaý mamany Ozlem Atlýg hanym, ıÝNESKO-nyń Qazaqstandaǵy, Qyrǵyzstandaǵy jáne Tájikstandaǵy bıýro jetekshisi ári ókili Krısta Pıkkat hanym, sonymen birge QR Aýyl sharýashylyǵy mınıstrliginiń Orman jáne janýarlar dúnıesi komıtetiniń tóraǵasy Qaıyr Ryskeldınov qatysty.
Týrısterge arnalǵan aımaq Ǵalamdyq ekologııalyq qory men BUU Damý Baǵdarlamasy jáne QR Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Qorǵalatyn aımaqtarda bıoártúrlilikpen úılesimdi tirshilikti qamtamasyz etý kózderin ilgeriletý arqyly shóldi ekojúıelerdegi qorǵalatyn aımaqtardyń turaqtylyǵyn kóterý» jobasy sheńberinde qurylǵan.
«Tańbaly» kesheni BUU Damý Baǵdarlamasynyń Іle-Balqash aımaǵyndaǵy shóldi ekojúıeni saqtaý boıynsha pılottyq aýmaǵyna kiredi.
