Tańat Nóserbaev «Tobylǵa» aýysty
QOSTANAI. QazAqparat - Qazaqstan ulttyq quramasynyń shabýylshysy Tańat Nóserbaev «Tobylǵa» aýysty, dep habarlaıdy QazAqparat klýbtyń baspasóz qyzmetine silteme jasap.
Shymkent fýtbol mektebiniń túlegi Tańat Nóserbaev qostanaılyq komandaǵa bir jylǵa jalǵa alyndy. Ol 79-nómirmen alańǵa shyǵatyn bolady.
Jalpy, 2005 jyly jergilikti «AAEıS» áýesqoı klýbyndaǵy jarqyn oıynymen kózge túsken Tańat «Ordabasynyń» jastar komandasyna iligedi. Keıin, 2006 jyly negizgi quramda alǵashqy kezdesýin ótkizip, az ǵana ýaqyttyń ishinde «Ordabasynyń» eń basty shabýyldaýshysy bolyp qalyptasty.
2008 jyly Qazaqstannyń jastar quramasynda alǵashqy kezdesýin ótkizdi. Polshamen bolǵan oıynda Tańat dýbl jasady. 2008 jyldyń qazanynda Qazaqstannyń Ulttyq quramasynda alǵashqy matchyna shyqty. Ýemblı stadıonynda Anglııa quramasyna qarsy kezdesýdegi Tańattyń óneri fýtbolsúıer qaýymnyń jadynda.
Sol jyly T.Nóserbaev QR Premer-Lıgasynyń úzdik oıynshylarynyń qataryna endi.
Foto: fctobol.kz
