«Tań shyǵystan atady» - respýblıkalyq basylymdarǵa sholý
«Egemen Qazaqstan» gazetiniń búgingi sanynda «Tań shyǵystan atady» degen taqyryppen Elbasy N. Nazarbaevtyń Shyǵys Qazaqstan oblysyna jasaǵan sapary týraly kólemdi maqala basyldy. Sapar aıasynda el Prezıdenti Óskemen qalasynda «Nurly kósh» baǵdarlamasymen salynǵan jańa aýylda bolyp, óńirdiń «Shyǵys-sút» zaýytynda, qus fabrıkasynda, Buqtyrma tsement zaýytynda, «Azııa avto» AQ jumystarymen tanysty. Oblystaǵy áleýmettik-ekonomıkalyq ahýal, údemeli ındýstrııalyq-ınnovatsııalyq damý baǵdarlamasynyń aıaq alysyn baǵamdady.
«Bıyl elimiz úshin eleýli oqıǵa, Táýelsizdiktiń 20 jyldyǵyn atap ótemiz. Ár oblys óz múmkindikterine qaraı talpynys jasaýda. Máselen, Shyǵysta kóp ister atqarylyp jatqanyn bilemiz. Ótken jyly Tarbaǵataıdaǵy tabıǵat apaty kezinde on mıllıard teńge qarjy bóldik. Halyq turǵyn úımen qamtamasyz etildi. Qazirgi tańda aýyl sharýashylyǵyn damytý, mal tuqymyn asyldandyrý basty mindet. Mine, búgin jańa sút zaýytynyń ashylýyna qatystyq. Et pen sútti qashanǵy shetelden tasımyz. Demek, mal basyn kóbeıtip qana qoımaı, klasterdi damytý qajet,- dedi Elbasy sharýa qojalyqtary ókilderimen kezdesýinde»,-dep jazady gazet.
«Aıqyn» gazetiniń búgingi sanynda «Japonııadaǵy jarylystyń Qazaqstanǵa áseri bar ma?» atty maqala basylǵan. Basylym el turǵyndarynyń «Japon jerindegi zilzala men tsýnamıdiń qasireti qazaq jerine áseri bolýy múmkin be?» degen suraqtaryna jaýap izdep kórgen. Maqalada elimizdiń sanıtarlyq-epıdemıologııalyq jáne tótenshe jaǵdaılardyń aldyn alý qyzmetkerleri men osy salanyń kórnekti mamandarykeshe Almaty qalasynda jýrnalıstermen kezdesý uıymdastyryp,Japonııadaǵy jaǵdaıdyń bizge eshqandaı áseri bolmaıtyndyǵy jóninde habarlama jasaǵan. «Qazirgi boljamdarǵa qaraǵanda, qorqatyndaı eshteńe joq. Biz Japonııadan shalǵaıda jatqan elmiz. Aralaryn ondaǵan shaqyrym jer bólip turǵan Reseı Federatsııasynyń Kýrıl araldarynda, odan qashyqtaý ornalasqan Vladıvostok qalasynda, jalpy, Qıyr Shyǵysta mamandar kúndiz-túni baqylaý júrgizip, shamadan tys radıatsııa joqtyǵyn anyqtap otyr. Jergilikti turǵyndar qalypty jaǵdaıda ómir súrip jatyr. Ekinshi bir másele, elimizde radıatsııalyq qaýip týdyryp, tótenshe jaǵdaı qalyptasatyndaı kásiporyndar, mekemeler joq. Búgingi jıyn Japonııadaǵy jaǵdaıdan keıin óz elimizdegi keıbir máselelerdi pysyqtap alý úshin uıymdastyryldy, - deıdi mamandar»,- delingen.
«Alash aınasy» basylymy «Jalǵan jarnama jarǵa jyqpasyn desek»» degen taqyrypta maqala jarııalady. «Mamandardyń paıymdaýynsha, búginde elde jalǵan jarnama berý arqyly ónim ótimdiligin arttyryp, tutynýshynyń qaltasyn qaǵyp, quqyn buzýshylyq úrdisi tym jıilep ketken»,- dep jazady basylym.
Soǵan baılanysty elimizdiń bıolog ǵalymdary «Qazaq eli kóp keshiktirmeı «Tutynýshylardyń quqyǵyn qorǵaý týraly» jáne «Azyq-túlik qaýipsizdigi týraly» Zańdarǵa ózgertýler men tolyqtyrýlar engizýi tıis. Ásirese, atalmysh zańdarǵa syrttan keletin azyq-túlik ónimderine belgili bir shekteý qoıý jóninde jáne taǵamdardy jalǵan jarnamalaýǵa tyıym salýǵa qatysty arnaıy baptar engizilýi kerek», dep dabyl qaǵyp jatqandaryn aıtady.
«Kazahstanskaıa pravda» gazeti óziniń búgingi jarııalanymyndaǵy «Novye gorızonty OIK» atty maqalasynda Qazaqstannyń Álemdegi BUU-dan keıin eń iri halyqaralyq birlestik bolyp tabylatyn Islam konferentsııasyna tóraǵalyq etýi - múshe memleketter tarapynan úlken qyzyǵýshylyq tanytylyp otyrǵandyǵy jóninde jazady. 2010 jyly EQYU-ǵa tóraǵalyǵynyń sátti ótkendigin eskerip otyrǵan uıym músheleri keleshek tóraǵadan naqty sheshimder kútedi. Qazaqstan óz kezeginde Islam konferentsııasy uıymynyń qyzmetin ekonomıkalyq jetistikti jáne turaqty polıetnıkalyq memleket modeli tájirıbesiniń negizinde quramaq.
