Tamyzǵa deıin ǵylymdy qarjylandyrýdy kezeń-kezeńmen ulǵaıtý jospary bekitiledi - E.Dosaev
ASTANA. 21 qańtar. QazAqparat - 2014 jyldyń tamyzyna deıin ǵylymdy qarjylandyrýdy kezeń-kezeńmen ulǵaıtý jospary bekitiledi. Bul týraly búgin Úkimet otyrysynda QR Ekonomıka jáne bıýdjettik josparlaý mınıstri Erbolat Dosaev aıtty.
Mınıstrdiń atap ótýinshe, 2014 jyldyń naýryzyna deıin tehnoparkterdiń jumystary belsendirilip, al qazanǵa deıin jańa óndiristerdi damytý, onyń ishinde ınjınırıngtik ári servıstik ortalyqtar qurý úshin sheteldik ınvestorlardyń jańa tolqynyn tartý jaǵdaıy jasalady. «Aǵymdaǵy jyldyń tamyzyna deıin ǵylymdy qarjylandyrýdy kezeń-kezeńimen ulǵaıtý jospary bekitiletin bolady. Sheteldik kompanııalarmen birlesip, jobalyq jáne ınjınırıngtik ortalyqtar qurý, sheteldik ınvestıtsııalardy bizdiń elimizge bilim men jańa tehnologııalardy transfertteý úshin paıdalaný boıynsha tapsyrmalar júkteldi», - dedi E.Dosaev.
