Tamyzdyń ekinshi jartysynda munaı baǵasy qalaı ózgeredi
«Brent markaly munaıdyń baǵasy tamyzdyń alǵashqy eki aptasynda 2,5 protsentke tómendep, ekinshi onkúndikte odan ary arzandaı tústi. Alaıda bir barrel úshin 50 dollar deńgeıi tómendegen joq, buǵan qosa tamyzdyń ortasynda baǵa belgileýshiler bul deńgeıden tómen túsirgisi kelgen. Biraq, tamyzdyń ortasynda bir barreldi 40 dollarǵa deıin túsiretindeı kórsetkishke jetpedi. Tamyzdyń ekinshi jartysynda keleńsiz stsenarıı keshiremiz be?» - dep saýal qoıady Alparı analıtıkalyq departamentiniń dırektory Natalıa Mılchıkova.
Kompanııada tamyzdyń ortasynda munaı baǵasyna áser etetin faktorlar týraly aıtyldy. Olardyń biri - qazirgi ýaqytta Qytaıda munaıǵa degen suranys sonshama aýqymdy bolmaı otyrǵany. Reuters agenttigine súıensek, Qytaıdyń eki birdeı Sinopec pen Petrochina kompanııalary ózderiniń munaı óńdeýshi zaýyttarynyń qýattylyǵy 10 protsentke tómendegenin resmı túrde habarlaǵan. Tamyzdyń ortasynda Qytaıdaǵy bul jańalyq aǵymdaǵy jyly suranysqa degen úmittiń bárin joıatyndyqtan, munaı naryǵynda birshama ábiger baıqalǵan.
«Qara altynnyń» baǵasyna OPEK monıtorıngi boıynsha komıtet otyrysynyń bolý-bolmaýy da áser etedi. Ereje boıynsha bıylǵy jyly munaı óndirýde kelisimdi oryndaý boıynsha OPEK komıteti aı saıyn ótkiziletin. Tamyz aıynyń basynda mundaı otyrys Sankt-Peterbýrg qalasynda uıymdastyrylyp, jańa otyrys qyrkúıek aıyna Venada ótetini sheshilgen. OPEK músheleriniń barlyǵy tártiptik júıede kelisimdi oryndaǵandyqtan ótken otyrys nátıjeli bolmaǵan kórinedi. Sonymen qatar, OPEK basqa elderden resmı túrde munaı óndirýdi azaıtýdy surap jatqanymen, Saýd Arabııasynyń munaı óndirdýdi kóbeıtip jatqany álemdik naryqty alańdata túsken.
Munaıǵa degen suranys azaıýy qatparly munaıdyń óndirýshileriniń de eńsesin túsirip tastaıdy. Tamyzda Baker Hughes esebine sáıkes, AQSh-ta burǵylaý jabdyqtary aptadan aptaǵa qaraı kóbeıe qoımaǵan. Buǵan qazirgi naryqtaǵy sapaly munaıdyń kóbeıgeni sebep bolýy yqtımal. AQSh-ta munaıdyń kommertsııalyq qory qarama-qaıshylyqtan habar berip, apta saıyn olar qysqaryp barady. Osyǵan qaramastan, munaıǵa degen usynystyń bolmaýy munaı naryǵynyń oń jambasyna da kelip qalýy múmkin.
Geosaıası ahýal. Aty shyǵyp qalǵan «Tramp faktory» Amerıkany taǵy da derjavaǵa aınaldyrǵysy kelgenimen, munaı naryǵynda degenin istete almaı otyr. Munaı óndiretin elderge qarata aıtylǵan asyǵys málimdemeler men antıreseılik sanktsııalar munaı baǵasyn ósirip jiberýi múmkin. Bul turǵyda Iranmen de qarym-qatynas ýshyǵyp bara jatqanyn atap ótý kerek. Sanktsııalardyń saldarynan reseılik kompanııalar munaı óndirý boıynsha jańa oryndardy ıgermeıtindikten, «qara altynnyń» baǵasy taǵy da qymbattaýy múmkin.
«Bizdiń oıymyzsha, tamyzdyń aıaǵyna deıin «apokalıpsıstik stsenarıı» bolmaıtyn sekildi, al Brent markaly munaı 48-53 AQSh dollary aralyǵynda satylýy yqtımal», - deıdi Natalıa Mılchıkova.
