Tamyzdyń birinshi kúni aýa raıy qandaı bolady

NUR-SULTAN. QazAqparat - Sınoptıkter 1 tamyz, dúısenbige arnalǵan aýa raıy boljamyn usynady, dep habarlaıdy QazAqparat Qazgıdrometke silteme jasap.

Ońtústik tsıklon jáne oǵan baılanysty atmosferalyq fronttar áli de Qazaqstan aýmaǵynyń basym bóligine óz áserin tıgizedi.

Saldarynan jańbyr jaýady. Eldiń soltústiginde nóser jaýyn jaýady.

Qazaqstan boıynsha naızaǵaı oınaıdy, jel kúsheıedi. Burshaq jaýyp, daýyl turady.

Túnde jáne tańerteń respýblıkanyń soltústiginde, soltústik-batysynda, ortalyǵynda tuman túsedi.

Kúndiz Pavlodar oblysynyń shyǵysynda, Aqmola oblysynyń soltústik-batysynda qatty jańbyr jaýady.

Kúndiz Atyraý oblysynyń basym bóliginde aptap ystyq saqtalady.

Túrkistan, Qyzylorda, Jetisý, Almaty oblystarynyń basym bóliginde, Abaı, Jambyl oblystarynyń ońtústiginde tótenshe órt qaýpi saqtalady.