Tamyzdyń 9-y kúngi aýa raıy boljamy
NUR-SULTAN. QazAqparat – Joǵary atmosferalyq qysymnyń jáne ońtústikten jetken tsıklonnyń yqpalymen Qazaqstannyń basym bóliginde kún ashyq bolady.
Eldiń tek soltústigi men shyǵysynda jáne ortalyǵynda soltústik batystan soqqan tsıklonnyń yqpalymen keı jerlerde jaýyn jaýyp, naızaǵaı oınaıdy, dep habarlaıdy QazAqparat «Qazgıdromet» RMK-na silteme jasap.
Respýblıkanyń basym bóliginde jel kúsheıip, soltústikte jáne soltústik-batysta túnde jáne tań ata tuman túsip, ońtústikte shańdy daýyl soǵady. Ortalyqta burshaq jaýýy da yqtımal.
Qaraǵandy oblysynyń birqatar aýmaqtarynda jel kúsheıip, jyldamdyǵy sekýndyna 15-20 metrge jetedi, burshaq jaýýy da yqtımal.
Túrkistan, Qyzylorda, Pavlodar, Shyǵys Qazaqstan, kúndiz Almaty, Batys Qazaqstan oblystarynda jel sekýndyna 15-20 metr jyldamdyqpen esedi. Almaty, Túrkistan, Qyzylorda oblystarynda shańdy daýyl kóteriledi.
Qostanaı, Soltústik Qazaqstan oblystarynda túnde jáne tań ata tuman túsýi yqtımal.
Kúndiz Almaty, Shyǵys Qazaqstan oblystarynda aptap ystyq bolady.
Qyzylorda, Túrkistan, Jambyl, Almaty oblystary men Qaraǵandy, Aqtóbe, Shyǵys Qazaqstan, Aqmola oblystarynyń birqatar aýmaqtarynda órt qaýipi saqtalady.
