Tamyzdan bastap Qazaqstanda parnıktik gazdardyń shyǵarylýyna kvotalar satý bastalady
ASTANA. 3 shilde. QazAqparat - 2013 jyldyń tamyzynda qazaqstandyq saýda bırjasynyń bazasynda parnıktik gazdardyń shyǵarylýyna kvotalardy satýdy bastaý josparlanǵan.
Bul týraly Primeminister.kz saıtyna bergen suhbatynda «Jasyl Damý» AQ basshysy Sergeı Tsoı habarlady.
«Biz zerttelgen ádis jáne Eýroodaq tájirıbesi boıynsha parnıktik gazdardyń shyǵarylýyna kvotalardy satý júıesin engizdik. Júıe «Cap and Trade» (shekteý jáne saýda) dep atalady. Saýda bırjalyq alańdarda ótedi. Búgingi tańda taýar bırjasyn tańdaýǵa konkýrs jarııalanǵan, shamamen tamyz aıynyń basynda bırja jumys jasaı bastaıdy, satý úshin memlekettik kvotalardy bastapqy ornalastyrýdy ótkizýge daıyn bolamyz», - dedi S.Tsoı. Onyń aıtýynsha, satýdyń jáne barlyq saýdanyń qarbalas kezeńi bıylǵy jyldyń kúz aılaryna - qyrkúıek, qazan, qarashaǵa keledi. Sonymen birge, kvotalardy úlestirýdiń Ulttyq jospary energetıka, munaı-gaz salasy, ónerkásip, metallýrgııa salalary boıynsha tegin berýdi qarastyrady.
«Bul jylyna 20 myń tonnadan astam SO2 shyǵaratyn kásiporyndar. Barlyǵy SO2 ekvıvalentiniń shamamen 147 mln tonnasyna kvota bólinedi», - dep tolyqtyrdy ol.
Oǵan qosa, sarapshy kvotalardyń memlekettik qory bar, qandaı da bir sebeptermen 2010 jyldyń deńgeıinen asyp ketken kásiporyndarǵa kvotalardy qosymsha satyp alý qajettigin eskertti. «Bular kvotalardy satyp alýǵa 20,6 mln tonna bolatyn memlekettik qordan bırjalarǵa shyǵa alady. Bul bizdiń kásiporyndardyń suranysyn qanaǵattandyrýǵa jetkilikti bolady dep esepteımiz», - dedi ol.
QazAqparat, Astana
