Tamyzdan bastap elordada 10 myń muǵalim qashyqtan oqytýdyń onlaın kýrsyn oqıdy
NUR-SULTAN. QazAqparat – Astanadaǵy muǵalimderdiń bári «Qashyqtan oqytýdy úırenemin» atty onlaın-kýrstan ótedi. Bul týraly Nur-Sultan bilim basqarmasynyń basshysy Sholpan Qadyrova málim etti, dep habarlaıdy QazAqparat tilshisi.
«Tamyz aıynan bastap 9958 (100%) bilim uıymynyń pedagogtary Nazarbaev Zııatkerlik mektepteriniń «Pedagogıkalyq sheberlik ortalyǵy» ázirlegen «Qashyqtan oqytýdy úırenemin» atty onlaın-kýrsty oqıdy», - dedi Sholpan Qadyrova qala ákimdiginiń Facebook paraqshasynda ótken baspasóz máslıhatynda.
Kýrs 5 modýlden turady. («qashyqtan oqytý erekshelikteri», «oqýǵa tartý», «aqparattyq-tehnıkalyq quraldar», «kásibı yntymaqtastyq» jáne «ata-analardy pedagogıkalyq qoldaý»). Kýrs uzaqtyǵy – 40 akademııalyq saǵat. Ótkizý formaty – asınhrondy. Bul tyńdaýshylarǵa óz betinshe oqýdyń ýaqyty men qarqynyn tańdaýǵa múmkindik beredi.
Kýrstar Stepik bilim platformasynda ótedi.
«Onlaın-kýrstyń ár taqyryby muǵalimderdiń óz betinshe zerdeleýi úshin ózekti materıaldar men resýrstardy qamtıdy. Pedagogtar kýrsta qashyqtan oqytýdyń erekshelikteri men túrlerin zerttep, onlaın sabaqtardyń oqý úderisin josparlaýdy, oqý jetistikterin baǵalaýdy úırenedi», - dedi basqarma basshysy.
Sonymen qatar, Nur-Sultan qalasynyń bilim berýdi jańǵyrtý ortalyǵy tamyz aıynyń birinshi jáne ekinshi aptasynda «Tsıfrlyq pedagogıka: oqytý jáne tájirıbe» taqyrybynda onlaın-oqytý ótkizýdi josparlap otyr. Bul oqytýmen 12 480 (100%) pedagog qamtylady.
