Tamyzda jylý, gaz jáne janar-jaǵarmaıǵa tarıfter kóterilmeıdi

Bul týraly búgin Astanada QR Tabıǵı monopolııalardy retteý jáne básekelestikti qorǵaý agenttigi tóraǵasynyń orynbasary Amanjol Alpysbaev málim etti.

"Aǵymdaǵy jylǵy tamyz aıynda respýblıka boıynsha jylýmen, gazben jabdyqtaýǵa jáne janar-jaǵarmaıǵa tarıfter kóterilmeıdi", - dep atap ótti A. Alpysbaev.

Onyń aıtýynsha, tamyzdan bastap, sýmen jabdyqtaý jáne káriz qyzmetterine baǵalar eldiń úsh óńirinde: Ońtústik Qazaqstan, Qostanaı, Qaraǵandy oblystarynyń keıbir aýdandarynda baǵa kóteriledi. Al Qyzylorda, Shyǵys Qazaqstan oblystarynda jáne Almaty qalasynda elektr energııasynyń baǵalary tómendemek.