Tamyzda jumystan bosatý boıynsha aınalym koeffıtsıenti 2,7 paıyzdy qurady - Statıstıka
ASTANA. 13 qyrkúıek. QazAqparat - Jedel derekterge sáıkes, iri jáne orta kásiporyndarǵa jáne uıymdarǵa 2012 jylǵy tamyzda 76,4 myń adam qabyldandy, túrli sebeptermen - 84,6 myń adam jumystan shyqty.
QR Statıstıka agenttiginiń málimetinshe, jumystan ketken qyzmetkerlerdiń arasynda óz erki boıynsha jumystan bosatylǵandar 81,1 paıyzdy, qyzmetkerler sanynyń qysqarýyna baılanysty -1,5 paıyzdy, basqa sebepter boıynsha 17,4 paıyzdy quraıdy.
2012 jylǵy tamyz aıynda qabyldaý boıynsha aınalym koeffıtsıenti 2,4 paıyz, jumystan bosatý boıynsha aınalym - 2,7 paıyz, jumys kúshiniń turaqsyzdyq koeffıtsıenti - 2,2 paıyz deńgeıinde boldy. Osy kezeńde jumys kúshin aýystyrý koeffıtsıenti 90,3 paıyzdy qurady.
