Tamyzda teńge rýblge qaraǵanda kúsheıdi
ALMATY. QazAqparat - Qazaqstan qor bırjasy basqarmasy (KASE) tóraǵasy Andreı Tsalıýk naryqtaǵy shetel valıýtalarynyń baǵamy týraly aıtty, dep habarlaıdy QazAqparat tilshisi.
«Biz rýbldiń izimen kele jatyrmyz. Qazirgi kezde reseıge qarsy sanktsııalarǵa baılanysty onyń valıýtasy qunsyzdanýda. Baıqaǵandaryńyzdaı, dollar teńgeni 4,8 paıyzǵa basyp ozdy. ıÝan 5,3 paıyzǵa, eýro 4,6 paıyzǵa bizden ústem túsip otyr. Degenmen, Reseı valıýtasyna keler bolsaq, teńge rýblge qaraǵanda 3,8 paıyzǵa kúsheıdi»,- dedi Andreı Tsalıýk.
Tamyz aıynda shetel valıýtalary naryǵyna KASE-niń 29 múshesi qatysty. Saýda kólemi 1407,9 mlrd teńgeni qurady.
«Qazir valıýta naryǵynda belsendilik artty. Buǵan barlyq ekinshi deńgeıli bankter óz shama-sharyqtarynsha tartylyp otyr»,-dedi ol.
