Tamyzda ónerkásip ónimderin óndirýshi kásiporyndar baǵasy 3,1 paıyzǵa joǵarylady - Statıstıka
ASTANA. 2 qyrkúıek. QazAqparat - Aǵymdaǵy jylǵy tamyzda shildemen salystyrǵanda baǵa ken óndirý ónerkásibinde 4,8%-ǵa joǵarylady, óńdeý ónerkásibinde - 0,6%-ǵa tómendedi. Óndirilgen ónim 3,3%, óndiristik sıpattaǵy qyzmetter - 1%-ǵa qymbattady.
Bul týraly QR Statıstıka agenttiginiń baspasóz qyzmetinen habarlady.
- Ótken aıda baǵanyń propan men býtanǵa - 6,8%, munaıǵa - 5,6%, gaz kondensatyna - 5,4%, dızeldik otynǵa - 3,1%, otyndyq mazýtqa - 0,7%, benzınge - 0,6%-ǵa joǵarylaýy, olardyń tabıǵı gazǵa - 1,9%, kómirge - 0,6%, kerosınge - 0,2%-ǵa tómendeýi tirkeldi.
- Bir aıda baǵa qorǵasynǵa - 4%, myryshqa - 2,6%-ǵa joǵarylady, ferroqorytpalarǵa - 4,8%, óńdelmegen alıýmınııge - 3,5%, mysqa - 3,4%, qara metaldar ılegine - 1%-ǵa tómendedi.
- Qant pen kúrish 0,6%, sút pen nan - 0,4%-ǵa qymbattady, qara bıdaı uny - 3,5%, qus eti - 2,5%, bıdaı uny - 1,7%, mal eti - 1,4%, ósimdik maıy - 0,5%-ǵa arzandady.
