Tamyzda kúnkóristiń eń tómengi deńgeıi 19 351 teńgeni qurady - Statıstıka
ASTANA. 2 qyrkúıek. QazAqparat - 2013 jylǵy tamyzda kúnkóristiń eń tómengi deńgeıiniń shamasy 19 351 teńgeni qurady, dep habarlady QR Statısıka agenttiginiń baspasóz qyzmetinen.
Vedomstvonyń aqparatyna qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2013 jylǵy tamyzda ótken aımen salystyrǵanda 5,9, 2012 jylǵy tamyzben salystyrǵanda 7,3 paıyzǵa ósti. Onyń qurylymynda et pen balyqty satyp alýǵa jumsalǵan shyǵystardyń úlesi 20,8%, jemister men kókónister - 16,4%, sút, maı jáne toń maı ónimderi men jumyrtqa - 14%, nan jáne jarma ónimderi - 6,9%, qant, shaı jáne dámdeýishter - 1,9 paıyzdy qurady.
