Tamyzda eksporttyq jetkizilimderge baǵanyń joǵarylaýy, olardyń ımporttyq túsimderge tómendeýi belgilendi

ASTANA. 13 qazan. QazAqparat - 2011 jylǵy tamyzda shildemen salystyrǵanda eksporttalatyn taýarlarǵa baǵa 1 paıyzǵa joǵarylap, ımporttalatyn taýarlarǵa 0,2 paıyzǵa tómendedi, dep habarlady QR Statıstıka agenttiginiń baspasóz qyzmetinen.

Eksporttyq jetkizilimderge bir aıda baǵanyń gaz kondensatyna - 8,7, qorǵasynǵa - 8,5, myryshqa - 8,4, tabıǵı gazǵa - 6,4, suıytylǵan propan-býtanǵa - 1,5, munaıǵa - 1,1, munaı ónimderine - 1 paıyzǵa joǵarylaýy, alıýmınııge - 11,2, ferroqorytpalarǵa - 2,6, mysqa 0,2 paıyzǵa tómendeýi tirkeldi. Baǵa maqtaǵa - 10,1, júnge - 3,3 paıyzǵa joǵary, bıdaıǵa 11,6 paıyzǵa tómen boldy.

Importtyq túsimderden kókónister - 6,1, qus eti - 5,8, aıaqkıim - 2,3, kúrish - 2 paıyzǵa arzandady, ósimdik maıy - 1,9, temeki - 1, dári-dármekter 0,3 paıyzǵa qymbattady.