Tamyzda Astanada aýa raıy jyly bolady dep kútilýde
ASTANA. QazAqparat - Tamyz aıynda Astanada aýa raıy +16, +22S aralyǵynda ortasha temperatýrany kórsetedi. Alǵashqy onkúndikte aýa raıy baǵany +23,+28S deıin kóteriledi, al túnde +11, +16S kórsetedi.
Bul týraly astana.kz jazady.
Kelesi onkúndikte, sınoptıkterdiń boljaýynsha, kún ysyp, aýa raıy kórsetkishi +28, +33S deıin kóteriledi, al túnde +16, +21S jyly bolady. Tamyz aıynyń sońǵy onkúndiginde aýa temperatýrasy sál tómendep, +18, +23S kórsetse, keı jerlerde +28 ystyq bolady. Túngi ýaqytta +13, +18S quraıdy. Keıin termometr baǵany kúndiz +25, +30S deıin kóteriledi, al túnde +13, +18S kórsetedi. Aıdyń sońǵy kúnderi kún raıy salqyndap +15, +20S kórsetse, túnde +3, +8S deıin kóteriledi. Tipti -2S deıin salqyndaýy da múmkin.
Aıdyń birinshi jáne úshinshi onkúndiginde naızaǵaıǵa ulasqan ótkinshi jańbyr jaýady dep kútilýde, sonymen birge soltústik-shyǵys jeliniń jyldamdyǵy 15-20m/s deıin kúsheıedi. Al aı ortasy men sońynda ońtústik-batys jeli 15-20m/s deıin kúsheıedi.
