Tamyz-qyrkúıek aılarynda kásiporyndardyń parnıkti gaz shyǵaryndylaryna tekserý júrgiziledi - «Jasyl damý»
Ol óz sózinde 2015 jyldyń naýryz aıynda parnıkti gaz shyǵaryndylaryna beriletin kvotalardyń saýda-sattyǵy bastalǵanyn atap ótti.
«Búgingi tańda jalpy somasy 354 mln. teńgeni quraıtyn 15 operatsııa jasaldy. Oǵan 11 kompanııa qatysty. Bırjalyq mámileniń jalpy kólemi 674 myń tonnany qurady. Dál osy kórsetkishten-aq baǵasy artqanyn baıqaýǵa bolady. Onyń sebebi, 2014 jyldan bastap parnıkti gazdar shyǵaryndylary kólemin arttyrǵany úshin aıyppul sanktsııalary qoldanysqa engizildi», - dedi S.Tsoı.
Sonymen qatar ol parnıkti gazdar shyǵaryndylaryna kvotalardy bólýdiń 2-shi ulttyq jospary boıynsha 158 kásiporyn jalpy 305 mln. tonna kólemge sertıfıkat alǵanyn jetkizdi.
«Áli kúnge sertıfıkat almaǵan kásiporyndar da bar. Biz olardyń áli sertıfıkat almaýy zańdy jetik bilmeýinen ne bolmasa bul júıege nazar aýdarmaýynan dep sanaımyz. Degenmen, tamyz-qyrkúıek aılarynda Ekologııalyq retteý komıteti tekserýdi bastaıdy. Sol ýaqytta resmı chek paraqshaǵa engizilgen parnıkti gazdar shyǵaryndylary boıynsha baqylaýshylar kompanııa jumysyn baǵalaıtyn bolady. Osyǵan oraı biz birqatar tekserýlerdiń, aıyppul sanktsııalarynyń júzege asýyn boljaýdamyz»,- dedi ol.
Onyń atap ótýinshe, 2014 jyly mólsherden tys shyǵarylǵan parnıkti gazdyń 1 tonnasyna 40 eýro kóleminde aıyppul sanktsııasy belgilengen. Aǵymdaǵy jyly da osy kólem qalady.
