Tamyz konferentsııasyna elordanyń 2 myńǵa jýyq ustazy qatysady
ASTANA. QazAqparat - 20 tamyz kúni Astana qalasynyń "Kongress-holl" ǵımaratynda elordanyń bilim berý salasy qyzmetkerleriniń «Bilim berý mazmunyn jańartý: bolashaqqa baǵyt alý» taqyrybyndaǵy tamyz keńesiniń jalpy otyrysy ótedi.
Tamyz konferentsııasynyń jumysyna elordalyq 1651 ustaz qatysady. Sonymen birge, QR Parlamentiniń depýtattary men qalalyq máslıhat depýtattary, QR Bilim jáne ǵylym mınıstrligi qyzmetkerleri, shyǵarmashylyq pen ǵylym salasyndaǵy zııaly qaýym ókilderi, joǵary oqý oryndarynyń basshylary, pedagogıkalyq eńbek ardagerleri shaqyrylyp otyr.
Jıynǵa qatysýshylar men qonaqtar úshin «Jańa oqytý baǵdarlamalary, ınnovatsııalar men bilikti ádis - tabysty mektepke qadam» taqyrybynda kórme-saıabaq ashylady. Kórmede daryndy balalardyń jetistikteri men bilim berý mekemeleriniń úzdik ǵylymı jobalary kórsetiledi, dep habarlaıdy astana. kz.
