Tamyz aıynda jumyssyzdyq deńgeıi 5,7 paıyzdy qurady - Statıstıka
ASTANA. Qyrkúıektiń 10-y. QazAqparat /Qanat Mámetqazyuly/ - 2010 jylǵy tamyz aıynda elimizdiń ekonomıkasynda 8,2 mln. adam jumyspen qamtyldy. Ótken jylǵy uqsas kezeńge qaraǵanda olardyń sany 249,5 myń adamǵa nemese 3,1 paıyzǵa kóbeıgen.
Statıstıka agenttiginiń taratqan málimetterine qaraǵanda, esepti kezeńde jaldamaly qyzmetkerlerdiń sany 5,4 mln. adamdy quraǵan. Bul jumyspen qamtylǵandardyń jalpy sanynan 66,3 paıyzyn bildiredi. Sonymen birge, aǵymdaǵy jylǵy tamyzda jumyssyzdar sany, baǵalaý boıynsha, 496,7 myń adamdy, jumyssyzdyq deńgeıi 5,7 paıyzdy qurady. Sondaı-aq, Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2010 jylǵy tamyz aıynyń sońyna 70,3 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,8 paıyzyn qurady. 2009 jyldyń tamyzynda bul kórsetkish -1,1 paıyzdy quraǵan bolatyn.
Sonymen qatar, Agenttik málimetterine qaraǵanda, 2010 jylǵy tamyzda jasyryn jumyssyzdyq deńgeıi ekonomıkalyq turǵydan belsendi halyqtyń 0,4 paıyzyn qurap otyr.
