Tamyz aıynda «Tutynýshylardyń seziný ındeksi» ózgerissiz qalyp, (+16) paıyzdy qurady
ASTANA. Qyrkúıektiń 10-y. QazAqparat /Qanat Mámetqazyuly/ - «Tutynýshylardyń seziný ındeksi» 2010 jylǵy tamyzda ótken aımen salystyrǵanda ózgergen joq, (+16)% qurady. Statıstıka agenttiginiń habarlaýynsha,
2010 jylǵy tamyzda respondentterdiń 28 paıyzy sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótse, sonymen bir mezgilde suralǵan respondentterdiń 15 paıyzy jaǵdaıdyń nasharlaǵanyn habarlady.
Al «Ekonomıkalyq ahýal ındeksi» 1 paıyzdyq tarmaqqa kemip, (+19) paıyzdy qurady. Bul rette, respondentterdiń 32 paıyzy aldaǵy 12 aıda eldegi jalpy ekonomıkalyq jaǵdaıdyń odan ári jaqsaratynyn kútedi, al 13 paıyzy jaǵdaıdyń nasharlaýy múmkin dep esepteıdi eken.
Sonymen birge, «Satyp alý tileginiń ındeksi» ótken aımen salystyrǵanda 1 paıyzdyq tarmaqqa ósip, (+14) paıyzdy quraǵan. Saýalnamaǵa qatysqandardyń 31 paıyzy 2010 jylǵy tamyzda jeke úı sharýashylyǵyndaǵy qarjy jaǵdaıynyń jaqsarǵanyn jáne tıisinshe, ótken aımen salystyrǵanda uzaq paıdalanatyn taýarlarǵa suranystyń óskeni týraly habarlady. Sonymen birge, olardyń 16 paıyzy óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn atap ótken.
Budan bólek, saýalnamaǵa qatysqandardyń 7 paıyzy elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady degen pikir bildirse, suralǵandardyń 3 paıyzy oǵan qarama-qarsy pikirdi ustanady. Aldymyzdaǵy 12 aıdyń ishinde úı sharýashylyǵyndaǵy aqshalaı qorlanym somasynyń ósý múmkindigin suralǵan tutynýshylardyń 14 paıyzy atap ótse, al 17 paıyzy onyń kemıtinin aıtqan.
Esterińizge sala keteıik, «Tutynýshylardyń seziný ındeksi» - saýalnamaǵa jaýap bergen respondentterdiń el ekonomıkasynda sońǵy 12 aı ishinde bolǵan ózgerister týraly ózindik pikirin kórsetedi.
