Tamyz aıynda turǵyn úı naryǵynda baǵanyń óskeni baıqaldy - Statıstıka agenttigi
ASTANA. Qyrkúıektiń 8-i. QazAqparat /Qanat Mámetqazyuly/ - 2010 jyldyń tamyz aıynda elimizdiń turǵyn úı naryǵynda baǵanyń óskeni baıqalǵan.
Statıstıka agenttiginiń taratqan málimetterine súıensek, ótken tamyz aıynda onyń aldyndaǵy aımen salystyrǵanda elimizdegi jańa salynǵan turǵyn úılerdi satý baǵasy 0,3 paıyzǵa artqan. Sonymen qatar, turmysqa jaıly úılerdiń satylym baǵasy 0,4 paıyzǵa ósse, odan tómengi sanattaǵy úılerdiń quny 0,5 paıyzǵa joǵarylaǵan bolyp otyr. Budan bólek, turmysqa jaıly úılerdi jalǵa alý baǵasy da 0,2 paıyzǵa qymbattaǵan.
