Tamyz aıynda shahmattan QR balalar Kýbogynyń sońǵy eki irikteý jarysy ótedi

Balalar Kýbogy aıasynda 4-13 tamyz aralyǵynda Pavlodar qalasynda osymen 12-shi ret «Ertis mańy» balalar festıvali uıymdastyrylsa, 20-27 tamyz aralyǵynda Almaty oblysynyń Talǵar qalasy mańynda shahmattan álem chempıony Flıýra Hasanovanyń kýbogyna arnalǵan dástúrli «Maralsaı» týrnıri ótedi. Bul jarys Іle-Alataý ulttyq qoryǵyndaǵy «Maralsaı» demalys úıinde uıymdastyrylmaq.

Esterińizge sala keteıik, shahmattan QR balalar Kýbogy bes kezeńnen turady. Olar: Mahambetov memorıaly (Qyzylorda q., 2014 jyldyń 17-23 mamyry), Ýfımtseva memorıaly (Qostanaı q., 2014 jyldyń 5-12 maýsymy), «Aq tulpar» balalar festıvali (Shymkent q., 2014 jyldyń 17-25 shildesi), «Ertis mańy» balalar festıvali (Pavlodar q., 2014 jyldyń 4-13 tamyzy) jáne «Maralsaı» balalar týrnıri (Talǵar q., 2014 jylydń 20-27 tamyzy).

Ázirge úsh kezeń artta qaldy. Alda taǵy eki kezeń bar. Fınal ústimizdegi jyly jeltoqsan aıynda Astana qalasynda ótedi.

Aıta ketelik, Balalar Kýbogynyń árbir kezeńi týrnır retinde shveıtsarııalyq júıe boıynsha ótkiziledi. Týrnırde 9 týr oınalady. Sonymen qatar,

árbir týrnırde eki jas kategorııasy boıynsha, ıaǵnı 14 jáne 10 jasqa deıingi balalardyń jınaǵan upaılary bólek esepteledi.

Kezeńderdiń qorytyndysy boıynsha eseptik upaılar myna qaǵıda boıynsha esepteledi:

1-oryn - 20 upaı;

2-oryn - 18 upaı; 3-oryn - 16 upaı; 4-oryn - 12 upaı; 5-oryn - 11 upaı; 6-oryn - 10 upaı; 7-oryn - 9 upaı; 8-oryn - 8 upaı; 9-oryn - 7 upaı; 10-oryn - 6 upaı; 11-oryn - 5 upaı; 12-oryn - 4 upaı; 13 -oryn - 3 upaı; 14-oryn - 2 upaı; 15-oryn - 1 upaı. Fınalǵa barlyq kezeńderdiń qorytyndysy boıynsha 14 jasqa deıingi jasóspirimder arasynan 12 úzdik shahmatshy men 10 jasqa deıingi balalar arasynan 4 úzdik shahmatshy shyǵady. Eseptik upaılar teń bolyp qalǵan jaǵdaıda kezeńderge az qatysqan oıynshyǵa basymdyq beriledi. Al eger de balalardyń qatysqan kezeńderiniń sany da teń bolyp qalsa, barlyq kezeńde eń kóp upaı jınaǵan qatysýshyǵa basymdyq beriledi. Fınaldyq jarys olımpıadalyq júıe oıynsha ótedi. Árbir qatysýshyǵa bir partııaǵa 1 saǵat 30 mınýt ýaqyt beriledi.

Jeńimpazdar maqtaý qaǵazdary jáne aqshalaı syılyqtarmen marapattalady. 2014 jylǵy balalar Kýbogynyń ıegeri aladǵy 2015 jyly jasóspirim uldar men qyzdar arasynda ótetin Álem chempıonatyna qatysý quqyǵyna ıe bolady.

Árbir kezeńniń júldelik qory - kem degende 200 000 teńge. Al fınaldyń júldelik qory - 400 000 teńge. Fınalǵa shyqqan árbir qatysýshyǵa aqshalaı syılyq qarastyrylǵan.