Tamyz aıynda ótetin UBT-ǵa qatysý úshin ótinish qabyldaý bastaldy
Ótinim qabyldaý 4 tamyzda bastalyp, 6 tamyzǵa deıin jalǵasady. UBT-ǵa tirkelý Ulttyq testileý ortalyǵynyń saıtynda júrgiziledi.
Tamyzdaǵy UBT shekti ball jınaı almaǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi.
Aıta keteıik, osy UBT-ǵa bıylǵy jáne ótken jyldardyń mektep túlekteri, kolledj túlekteri men sheteldegi mektepterde bilim alǵandar qatysady.
Negizgi UBT sekildi tamyzdaǵy testileý elektrondy formatta 10-13 tamyz aralyǵynda ótedi.
Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdaıdy.
«Ókinishke oraı, qańtar-maýsym aralyǵynda ótken UBT-da keıbir talapkerler shekti ball jınaı almady. Olar elimizdiń joǵary oqý oryndaryna túsý múmkindiginen aıyryldy. Biz osy balalardyń aqyly bólimge túsý múmkindigi bolýy úshin tamyz aıynda qaıta testileýden ótýge jaǵdaı jasadyq. Oqýǵa túsý úshin shektik ball jáne ár pánnen keminde 5 ball jınaý qajet», – dep túsindirdi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.
